Berdaq atındaǵı Qaraqalpaq mámleketlik universitetinde “Íqshamlastırıw” joybarın ámelge asırıw hám úgit-násiyatlawǵa baǵıshlanǵan ilaj bolıp ótti.

Ilajǵa Respublikalıq Ruwxıylıq hám aǵartıwshılıq orayı basshıları, joqarı oqıw orınlarınıń prorektorlar, zıyalılar, máhálle baslıqları hám nuraniylar qatnastı.
Onda Respublikalıq Ruwxıylıq hám aǵartıwshılıq orayınıń baslıǵı, siyasiy ilimler doktorı Otabek Hasanov shıǵıp sóylep, joybar sheńberinde ótkeriletuǵın seminar-treninglerdi mazmunı jaǵınan bayıtıw, taraw qánigeleri menen birgelikte ámeliy ilajlar kóriw boyınsha óz usınısların bildirdi. Ásirese, bul joybardı ámelge asırıwda, túsinik jumısların alıp barıwda álbette, aymaqtıń ózine tán ózgeshelikleri inabatqa alınıwı zárúrligin atap ótti. Sonlıqtan, ilajda juwapkerlerdiń bul boyınsha pikir-usınısları tıńlanıp, olardıń bildirgen usınısları ulıwmalastırıldı.

Qaraqalpaqstan xabar agentligi