Prezidentimizdiń usı jıl 20-oktyabrde “Seysmikalıq qáwipsizlikti támiyinlew hám seysmologiya tarawındaǵı jumıslardıń nátiyjeliligin bunnan bılay da arttırıwǵa baylanıslı qosımsha ilajlar haqqında”ǵı pármanı qabıl etildi.

Hújjetke muwapıq, mámlekette seysmikalıq qáwipsizlikti támiyinlew tarawında aldınǵı texnologiyalar, sonıń ishinde, jasalma intellekt imkaniyatlarınan keńnen paydalanıw ámeliyatı jolǵa qoyıladı.
2026-jıl 1-yanvardan baslap “A-373” hám “M-39” avtomobil jolları jáne olarǵa tutas tawlı aymaqlardan ótken temir jollarda kóshki qáwpi joqarı bolǵan aymaqlardıń turaqlı radiolokaciyalıq kosmoslıq monitoringi shólkemlestiriledi.
Jasalma intellekt járdeminde seysmikalıq qáwpi joqarı aymaqlarda kúshli jer silkiniwlerdi orta hám uzaq múddetli boljaw ámeliyatı engiziledi.
Dáslepki basqıshta bul tájiriybe Tashkent qalası mısalında ámelge asırıladı.
Sonday-aq, 2026-jıl 1-marttan baslap imarat hám obektlerdiń jer silkiniwge shıdamlılıǵı boyınsha texnikalıq jaǵdayı da jasalma intellekt járdeminde tallanadı.
Bul ilajlar mámlekette seysmikalıq qáwipsizlik sistemasın jańa basqıshqa kóteriw, xalıq hám infrastrukturalardı itimallı tábiyǵıy apatshılıqlardan nátiyjeli qorǵawǵa xızmet etedi.

Sh.Mamaturopova, ÓzA