Xalıqaralıq “Viki esteliklerdi súyedi” tańlawı hár jılı pútkil dúnya boylap ótkeriledi. Bıyıl tańlawǵa 40 tan aslam mámleket qatnasadı. Olardıń arasında Ózbekstan da bar. Mámleketimiz bul tańlawǵa úshinshi jıl izbe-iz qatnaspaqta, ótken jılları 8 mıńnan aslam súwret júklengen, sonday-aq, bir súwret dúnya kóleminde sıylı orın iyelegen.

Tańlawda tariyxıy imaratlar hám dıqqatqa ılayıq orınlardıń súwretleri menen qatnasıw múmkin.
Tańlawdıń tiykarǵı maqseti keń jámiyetshiliktiń itibarın mádeniy miyras obektlerine, qatnasıwshı mámleketlerdiń arxitekturalıq esteliklerine qaratıw hám mámleketimizde turizmniń rawajlanıwına úles qosıwdan ibarat.
“Viki esteliklerdi súyedi” (Wiki Loves Monuments, WLM) foto tańlawı 2010-jıldan berli hár jılı gúz máwsiminde dúnyanıń túrli mámleketlerinde ótkerilip kelinbekte.
Mámleketimizde bul tańlaw 1-31-oktyabr kúnleri ótkeriledi. Onıń shólkemlestiriwshisi “Wikimedia Foundation” bolıp esaplanadı.

Hamroz Bayanov, ÓzA