Jáhán densawlıqtı saqlaw shólkeminiń maǵlıwmatlarına qaraǵanda, keselliklerdiń 85 procenti tikkeley suw menen baylanıslı. Hár jılı dúnya boyınsha 25 million adam taza ishimlik suwı jetispewshiligi aqıbetinde ómirden kóz jumadı. Hár sekundta bir bala qolaysız sanitariyalıq sharayatlar hám pataslanǵan suw sebepli payda bolatuǵın keselliklerden qurban boladı. Dúnya xalqınıń 40 procenti ishimlik suw mashqalasınan zıyan kórmekte.

Ellikqala rayonı «Gúldirsin» awıl puqaralar jıyınında puqaralar rayonlıq tutınıwshılardıń huqıqların qorǵaw jámiyetine ısırap bolıp atırǵan ishimlik suwı máselesinde múrájat etti. Bul múrájat jámiyet tárepinen ornına shıqqan halda úyrenilip, mashqalanı «Qaraqalpaq suw támiynatı» akcionerlik jámiyetiniń Ellikqala rayonlıq filialına alıp shıǵadı. Filial xızmetkerleri alıp barǵan jumıslar nátiyjesinde ishimlik suw mashqalası saplastırıldı.

Qaraqalpaqstan xabar agentligi