Prezidentimiz Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

Ótken dáwirde mıńlaǵan mikro hám kishi kárxanalar qısqa múddet ishinde jaratılǵan sharayatlardan nátiyjeli paydalanıp, úlken-úlken kompaniyalar menen básekilese basladı.
Máselen, 1 mıń 600 mikro kárxana bir jıl ishinde aylanısın 10 milliard sumnan asırıp, birden orta kárxanaǵa, 143 i bolsa 100 milliard sumnan asırıp, iri kárxanaǵa aylandı. Jáne 122 kishi kárxana iri biznes qatarına qosıldı.
Ótken jılı aylanısı 1 trillion sumnan asqan 203 kárxana bar edi. Usı jıldıń ótken altı ayında olarǵa qosımsha jáne 47 kárxana 400-500 milliard sumlıq shekti iyeledi.
Biznesti sayadan shıǵarıw boyınsha jańa mexanizmler kóbeytilgeni esabınan 139 mıń kárxanada jumıs orınları 811 mıńǵa kóbeydi, 273 mıń kárxana miynet haqı fondın 22 procentke yamasa 4,6 trillion sumǵa arttırdı.
Ótken jılı jeke menshik sektorda ortasha aylıq 4 million sumdı quraǵan bolsa, búgingi kúnde 5 million sumǵa shamalastı.

ÓzA