Senat kengashiniń “Balalarǵa baylanıslı zorlıqtıń aldın alıw boyınsha qosımsha ilajlardı belgilew haqqında”ǵı qararı qabıl etilgen.

Onda málimleme-kommunikaciya texnologiyalarınan paydalanǵan halda jas óspirimlerge baylanıslı islenip atırǵan huqıqbuzarlıq ushın juwapkershilik ilajların kúsheytiw boyınsha Senat janında jumısshı topar dúziw belgilengen.
Usı maqsette Jaslar, hayal-qızlar, mádeniyat hám sport máseleleri komiteti tárepinen juwapker ministrlikler, uyımlardıń wákilleri, ekspertler, Jaslar parlamentiniń aǵzalarınan ibarat jumısshı topar shólkemlestirildi.
Jumısshı topardıń tiykarǵı wazıypası Internet tarmaǵı, darknet, sociallıq tarmaqlar hám basqa da hár qıylı platformalarda jas óspirimlerge baylanıslı islenip atırǵan huqıqbuzarlıq ushın juwapkershilik ilajların jetilistiriwden ibarat.
Jumısshı topar májilisinde internette jas óspirimlerge baylanıslı islenip atırǵan huqıqbuzarlıqlardı tallaw, jasalma intellekt járdeminde jas óspirimlerdiń súwretlerin qálbekilestiriw arqalı olardı qorlaw sıyaqlı jaǵdaylardı anıqlaw hám huqıqıy baha beriw zárúrligine itibar qaratıldı. Kibermákanda balalar huqıqın qorǵaw boyınsha sistemalı ilajlardı jolǵa qoyıw boyınsha aldınǵı sırt el tájiriybesin úyreniw máselesi dodalandı.
Jumısshı topar aǵzalarınıń pikir-usınısları tıńlanıp, usı tiykarda áhmiyetli wazıypalar belgilendi.

N.Abduraimova, ÓzA