Mámleketimiz isbilermenleri tárepinen islep shıǵarılǵan ónimlerdi jańa bazarlarǵa alıp shıǵıw, avtomobil transportında jańa koridorlarda júk tasıwların jolǵa qoyıw maqsetinde Transport ministrligi Sawda-sanaat palatası menen birgelikte «Ózbekstan- Qırǵızstan – Qıtay – Mongoliya» koridorı boylap birinshi pilot júk tasıwdı shólkemlestirdi.

Qatnasıwshı mámleketler arasındaǵı nátiyjeli birge islesiw hám bul transport koridorın rawajlandırıw boyınsha birgeliktegi háreketler nátiyjesinde sawda aylanısınıń ósiwi hám transport-logistika qatnasıqlarınıń keńeyiwi ushın jańa perspektivalar ashılmaqta.
Bul baǵdar mámleketler arasında eksport hám import júk tasıwları kólemin arttırıwǵa, sawda qatnasıqlarınıń geografiyasın keńeytiwge hám tovarlardı jetkerip beriw múddetlerin qısqartıwǵa xızmet etedi.
Dúnya logistika bazarındaǵı jaǵdaydı inabatqa alǵanda, usı koridordıń rawajlanıwı ózbek milliy tasıwları ushın óz biznesin keńeytiw, nátiyjelilikti arttırıw hám regionallıq hám global dárejedegi orınlardı bekkemlewde úlken áhmiyetke iye.

Qaraqalpaqstan xabar agentligi