Green Card -2025 te eń kóp jeńisti ózbekstanlılar qolǵa kirgizdi. DV -2025 Diversity Visa Program jeńimpazlarınıń statistikası mámleket kesiminde járiyalandı.

Atap ótiliwinshe, shama menen 131 060 arza beriwshiler jeńimpaz bolǵan hám olarǵa xabar berilgen bolıp, házirgi waqıtta olar immigraciya vizasın alıw ushın arza tapsırıwı múmkin.
Dizimde Ózbekstan Aziyada birinshi orındı (5,564 jeńimpaz), keyingi orınlarda Iran (5,267 jeńimpaz) hám Awǵanstan (4,009 jeńimpaz) mámleketleri orın alǵan.
ǴMDA mámleketleri ishinde Qırǵızstan hám Rossiya da joqarı nátiyje kórsetken. Ukrainadan 4256 adam jeńimpaz bolǵan.
DV-2025 Diversity Visa Program Amerika Qurama Shtatlarına az migraciya etiwshi mámleketler puqaraları ushın 203 (s) bólimi tiykarında ótkeriledi hám hár jılı 55 000 turaqlı jasaw vizasın beredi.

Qaraqalpaqstan xabar agentligi