“Wzagrosuǵurta” akcionerlik jámiyetinde sistema xızmetkerleriniń huqıqıy sanası hám huquqıy mádeniyatın joqarılatıw, olardıń korrupciyaǵa mawasasız qatnasıqtı qáliplestiriwge qaratılǵan májilis shólkemlestirildi. Onda 2025-jıl 5-mart kúni Ózbekstan Respublikası Prezidenti basshılıǵında ótkerilgen Korrupciyaǵa qarsı gúresiw boyınsha Milliy keńes májilisinde belgilengen tiykarǵı baǵdarlar hám wazıypalar dodalandı.

Jámiyette korrupciyanıń aldın alıw, mápler soqlıǵısıwın saplastırıw hám qáwip-qáterlerdi basqarıwǵa baylanıslı ilajlar rejesi islep shıǵıldı. Hár bir xızmetkerdiń jeke mápleri Jámiyetlik máplerge qalay tásir kórestiwin bahalaw sisteması jetilistirildi.
Bunnan tısqarı, Jámiyette qamsızlandırıw xızmetlerin sanlastırıw, onlayn rásmiylestiriw hám tólew sistemaları menen integraciyalaw boyınsha izbe-iz jumıslar ámelge asırılmaqta. Bul process sistemada ashıq-aydınlıqtı támiyinlew, korrupciyalıq jaǵdaylardıń aldın alıwǵa xızmet etpekte.
Májilis juwmaǵında mámleket basshısı tárepinen alǵa qoyılǵan usınıs hám baslamalardıń korrupciyanı tamırı menen joq etiwde úlken áhmiyetke iye ekeni jáne bir márte atap ótildi.

ÓzA