Ámiwdárya rayonı hákimliginde máhálle baslıǵı saylawın ótkeriwshi jumısshı topar baslıqları ushın oqıw seminarı shólkemlestirildi, – dep maǵlıwmat berdi rayon hákimligi Málimleme xızmeti bólimi.

Onda Qaraqalpaqstan Respublikası Joqarǵı Keńesiniń Jergilikli hákimiyat wákillikli uyımları hám puqaralardıń ózin-ózi basqarıw uyımları hám mámleketlik uyımlardıń ashıq-aydınlıǵın támiyinlew máseleleri komitetiniń baslıǵı Sh.Otemisov, Ózbekstan máhálleleri associaciyası Qaraqalpaqstan Respublikası basqarmasınıń baslıǵı S.Turmanov, associaciyanıń rayonlıq bóliminiń baslıǵı A.Yuldashev qatnastı.
Seminarda máhálle baslıǵı saylawın ótkeriw tártibi, tiykarǵı tárepleri haqqında aytıp ótildi.
Sonday-aq, saylaw procesin durıs shólkemlestiriwde itibar qaratılıwı kerek bolǵan tiykarǵı tárepleri boyınsha atap ótildi.
Ilajda sóz etilgen maǵlıwmatlar boyınsha rayonda shólkemlestirilgen jumısshı topar juwapkerlerine tiyisli usınıs hám kórsetpeler berildi.
Qatnasıwshılar ózlerin qızıqtırǵan sorawlarǵa qánigelerden juwap aldı.

Qaraqalpaqstan xabar agentligi