Qaraqalpaq mámleketlik jas tamashagóyler teatrında 18-aprel – Turaq jay kommunallıq xızmet kórsetiw tarawı xızmetkerleri kúni múnásibeti menen bayram ilajı ótkerildi.

Qaraqalpaqstan Respublikası Joqarǵı Keńesiniń komitet baslıǵı I.Sdikov shıǵıp sóylep, taraw wákilleri, nuranıylar hám miynet aldınǵıların sáne múnásibeti menen qutlıqladı.
Atap ótilgenindey, mámleketimizdiń rawajlanıwın, xalqımızdıń abadan turmısın támiyinlewde qurılıs tarawı xızmetkerleri menen bir qatarda kommunallıq xızmet kórsetiw tarawı wákilleriniń de ornı ayrıqsha esaplanadı. Olardıń pidákerli miynetleri bárqulla itibarǵa ılayıq.
Ótkerilgen bayram ilajında jemisli miynet etip atırǵan hám uzaq jıllar dawamında xızmet etken taraw wákillerine Ózbekstan Respublikası Qurılıs hám turaq jay kommunallıq xojalıǵı ministrliginiń «Uy-joy kommunal xizmat ko‘rsatish a’lochisi» kókirek belgisi hám húrmet jarlıqları tapsırıldı.
Ilaj kórkem óner hám mádeniyat xızmetkerleriniń atqarıwındaǵı koncert baǵdarlaması menen dawam etti.

Qaraqalpaqstan xabar agentligi