Sociallıq-ekonomikalıq tarawda jámiyetlik qadaǵalawdı kúsheytiw, nızamshılıq hújjetlerinde belgilengen mámleketlik emes kommerciyalıq emes shólkemlerdiń jumıs erkinliginiń kepilliklerin bekkemlew, olardıń huqıqları menen nızamlı máplerin júzege shıǵarıw ushın nızamshılıqtı bunnan bılay da jetilistiriw zárúrligi júzege kelmekte.

Usı múnásibet penen Hákimshilik juwapkershilik haqqındaǵı kodekste mámleketlik uyımlardıń lawazımlı shaxsları tárepinen mámleketlik emes kommerciyalıq emes shólkemlerdiń jumısına nızamǵa qayshı túrde aralasqanlıq, jámiyetlik qadaǵalaw haqqındaǵı nızam hújjetleriniń talapların buzǵanlıǵı ushın hákimshilik juwapkershiligi belgilenbekte.
Sonıń ishinde, kodekstiń 197-statyası prim 8-statya menen tolıqtırılmaqta.
Onda mámleketlik emes kommerciyalıq emes shólkemlerdiń jumısına nızamǵa qayshı túrde aralasıw BEMniń 7 esesinen 15 esesine shekemgi muǵdarda járiyma salıwǵa sebep boladı.
Sonday-aq, kodeks 198-7-statya menen tolıqtırıladı. Oǵan bola, jámiyetlik qadaǵalaw subektleri tárepinen jámiyetlik qadaǵalawdı ámelge asırıw nátiyjeleri boyınsha protokol, juwmaq, maǵlıwmatnama túrinde yaki nızamshılıq hújjetlerinde názerde tutılǵan basqa túrde tayarlanǵan juwmaqlawshı hújjetti belgilengen múddette kórip shıqpaw lawazımlı shaxslarǵa BEMniń 3 esesinen 5 esesine shekemgi muǵdarda járiyma salıwǵa sebep boladı-dep málimleme beredi xabar.uz saytı

Qaraqalpaqstan xabar agentligi