Parlament tómengi palatasınıń májilisinde sud hújjetleri hám basqa da hújjetlerdi orınlaw sistemasın sanlastırıw hám orınlaw isin júrgiziwdiń nátiyjeliligin bunnan bılay da jaqsılawǵa qaratılǵan nızam joybarı dodalandı.

Nızam joybarı boyınsha shıǵıp sóylegen deputat Anvarxon Temirovtıń aytıwınsha, búgingi kúnde sud hújjetleri hám basqa da hújjetlerdi orınlawda hár qanday bosańlasıwdıń aldın alıw, puqaralardıń minimal turmıs dárejesin támiyinlew ushın zárúr bolǵan múlki hám pul qarjılarına qol qatılmawdı kepillewge qaratılǵan nızam hújjetlerin sistemalastırıw hám jetilistiriw zárúrligi payda bolmaqta.
Usı nızam joybarı menen puqaralardan qarızdarldıqları ushın óndiriw qaratılıwı múmkin bolmaǵan eń az kepillengen dáramattı ornatıw, mámleketlik orınlawshılar tárepinen nızamshılıq hújjetlerine muwapıq májbúriy orınlaw háreketlerin ámelge asırıwda mobil videobaqlaw qurallarınan paydalanıwdı názerde tutatuǵın ózgerisler hám qosımshalar kirgizilmekte.
Nızam joybarınıń qabıl etiliwi sud hám basqa da uyımlardıń hújjetlerin orınlawda insan faktorınıń qorǵalıwına, májbúriy orınlaw sistemasın bunnan bılay da jetilistiriw hám ádil sudlawdıń nátiyjeliligin támiyinlewge xızmet etedi.

M.Komilova,
ÓzA