Amerika Qurama Shtatları dúzilgenli berli birinshi márte rásmiy tilge iye boldı. Prezident Donald Tramp bul haqqındaǵı tiyisli pármanǵa qol qoydı.

Bul nızam federal masshtabta qarjılandırıw huqıqına iye mámleketlik uyımlar hám shólkemlerdiń basqa tillerde hújjet hám xızmet usınıw siyasatın ózgertedi, dep jazdı VVS.
2000-jılı burınǵı Prezident Bill Klinton qol qoyǵan hújjetke bola, usı waqıtqa shekem inglis tilin bilmeytuǵınlarǵa rásmiy uyımlar tárepinen til boyınsha járdem kórsetiletuǵın edi.
– Inglis tilin rásmiy til sıpatında belgilew tek sóylesiwdi jeńilletip ǵana qoymastan, al ulıwmalıq milliy qádriyatlardı da bekkemleydi, jáne de bir pútin hám nátiyjeli jámiyet jaratadı, delingen pármanda.
AQSh derlik 250 jıllıq tariyxqı dawamında birinshi márte federal dárejede rásmiy tilin belgiledi. Xalıqtı dizimge alıw byurosınıń atap ótiwinshe, mámlekettiń 340 millionınan 68 millionǵa shamalası basqa tilde sóylesedi.

Qaraqalpaqstan xabar agentligi