17-23-fevral kúnleri Rossiya Federaciyasınıń Sankt-Peterburg qalasında jas óspirimler arasında xalıqaralıq boks turniri bolıp ótedi.

Oǵan Rossiya Federaciyasınan tısqarı, Belarus, Qazaqstan hám Ózbekstan Respublikalarınıń eń kúshli jas boksshileri qatnasadı.
Atap aytqanda, Ózbekstan saylandı komandasınan 13 salmaq kategoriyasında 20 boksshi jarıs jeńimpazlıǵı ushın bellesiwlerge túsedi. Sonıń ishinde, eń awır +80 kg salmaqta qaraqalpaqstanlı jas úmitli boksshi Artur Keńesbaev ta qatnasadı.
Jas boksshilerimizge Xulio Li Еchavarria, Baxtiyorjon Turaboev hám Jahongir Rahmonov ustazlıq etedi.

Adilbay Orazov,
Qaraqalpaqstan xabar agentligi sholıwshısı