Prezident Shavkat Mirziyoev 6-fevral kúni ximiya sanaatında 2025-jılǵı rejelerdi dodalaw boyınsha májilis ótkerdi.

Sońǵı jılları bul tarmaqta sezilerli ózgeris bolǵanı, yaǵnıy texnologiyalıq shınjırlardı jaratıw ushın investiciyalarǵa keń jol ashılǵanı menen, iri ximiya zavodlarınıń jumısı ele zaman talapları dárejesinde emes ekenligi atap ótildi.
Sonıń ushın sın kózqaras tiykarında ótken májiliste tarawdaǵı áhmiyetli máseleler dodalandı. Mámleketimiz basshısı juwapkerlerge ele paydalanılmaǵan imkaniyatlardı, sheshiliwi kerek bolǵan mashqalalardı anıq kórsetip ótti.
Máselen, aldıńǵı texnologiyalardı engiziwdi jedellestirip, ximiya kárxanalarında qosımsha qundı házirgiden bir neshe esege arttırıw múmkin.
Prezidentimiz bul baǵdardaǵı kemshiliklerdi atap ótip, joqarı texnologiyalı investiciyalıq joybarlardı esesine kóbeytiw wazıypasın qoydı.
Húkimetke tarmaqtaǵı mashqalalardı operativ sheshiw, imkaniyatlardı tolıq iske qosıw hám joybarlardı jedellestiriw boyınsha qatań tapsırmalar berildi.
Tarmaqtaǵı hár bir kárxananı sanlastırıw, quwatlıqlardan aqılǵı uǵras paydalanıw, energiya nátiyjeliligin arttırıw hám ózine túser bahanı azaytıw boyınsha juwapkerlerge anıq wazıypalar belgilendi.

ÓzA