AQSh Prezidenti Donald Tramp Meta («Facebook») hám «Instagram» iyesi Mark Cukerberg penen eski kelispewshilik boyınsha nızamlı kelisip aldı. Bul haqqında VVS basılımı xabar berdi.

Tramp 2021-jılı 6-yanvar kúni Kapitoliy maydanında júz bergen tártipsizlikten keyin onıń betlerin sheklep qoyǵanı ushın sociallıq media gigantı bas atqarıwshı direktorın sudqa bergen edi.
Shama menen 22 million dollar Prezident kitapxanası qorına ótkeriledi. Sud qárejeti hám shaǵımǵa qol qoyǵan basqa da talabanlardı «razı etiw» ushın da belgili qarjı ajıratıladı.
Kóp jıldan berli mırza Cukerberg hám Feysbukti keskin sınǵa alıp keletuǵın Amerika basshısı 2017-jılı platformanı «Trampqa qarsı» dep ataǵan. Olardıń múnásibeti tiyisli akkauntlar qadaǵan etilgennen keyin jáne de jamanlastı. Jetekshi 2024-jıl martta «Facebook»ti «xalıq dushpanı» dep atadı. Iyul ayında Meta prezident saylawı aldında Tramptıń «Facebook» hám «Instagram»daǵı juwmaqlawshı sheklewlerin biykar etti. Bul háreket júdá suwıp ketken óz-ara qatnasıqlar biraz jılıǵanınıń dáliyli sıpatında qabıl etildi.

Musılman Ziyo, ÓzA