Farmacevtika tarawınıń tiykarǵı negizlerinen biri laboratoriyalar bolıp tabıladı. Olar dári preparatlarınıń sapasın, qáwipsizligin hám nátiyjeliligin támiyinlewde, sonday-aq, innovaciyalıq rawajlanıwda sheshiwshi rol atqaradı.

Keyingi jılları Ózbekstanda farmacevtika tarawın rawajlandırıw, ilimiy-izertlewdiń potencialın arttırıw hám xalıqaralıq birge islesiwdi keńeytiw baǵdarında áhmiyetli qádemler taslanbaqta.
Farmacevtika tarmaǵın rawajlandırıw agentliginiń direktorı Abdulla Azizov Shveycariyanıń «Tecan» kompaniyasınıń wákilleri menen ushırastı.
Ushırasıwda bul kompaniya Oraylıq Aziya boyınsha «Zalma» kárxanasınıń wákilleri menen R&D laboratoriyasın úskenelew, laboratoriyalardıń koncepciyasın úyreniw hám koncepciyaǵa qaysı laboratoriyalar kirgiziliwi máseleleri dodalandı.
Farmacevtika tarmaǵın rawajlandırıw agentliginiń maǵlıwmatlarına qaraǵanda, kompaniya wákilleri R&D laboratoriyaları ushın úskeneler hám ónimler menen tanıstı. Tárepler keleshekte qánigelerdi tartıp, videokonferenc baylanıs arqalı ushırasıw ótkeriwge hám birge islesiwge kelisip aldı.

Qaraqalpaqstan xabar agentligi