Prezidenttiń basshılıǵında sociallıq qorǵaw tarawındaǵı jumıslardıń nátiyjeliligin hám 2025-jıl ushın baslı wazıypalardı dodalawǵa baǵıshlanǵan májilis dawam etpekte.

Májiliste hámme basshılar da járdemge mútáj xalıqtı jumıslı etip, dáramatın kóbeytiw, olarǵa mánzilli sociallıq xızmet hám járdemler kórsetiwdi durıs shólkemlestire almay atırǵanı kórsetip ótildi.

Atap aytqanda, kámbaǵal shańaraqlarǵa biriktirilgen basshılardıń 1  mıńı nátiyje kórsete almadı. 184i usı shańaraqlardıń úyine bir márte de barmaǵan.

Mayıplıǵı bar shaxslardıń bántligi dárejesi respublikada 20 procentke jetkeni menen, bul jumıslar Jalaqudıq, Shımbay, Pastdarǵom, Chortoq hám Denaw rayonlarında qanaatlandırarsız.

Juwapkerlerge usı rayonlardı úlgili etiw, hár bir juwapkerge anıq wazıypa belgilew tapsırıldı.

Sonday-aq, kelesi jıldıń Investiciya baǵdarlamasına kiretuǵın 598 sociallıq obyekt joybarı mayıplıǵı bar adamlarǵa beyimlestirip islep shıǵılmaǵanı sınǵa alındı.

Usı wálayat, rayon hákimlerine qátelerdi durıslaw tapsırıldı.

ÓzA