Президент Шавкат Мирзиёев Қишлоқ хўжалиги соҳаси ходимлари куни муносабати билан соҳа вакиллари билан мулоқот ўтказди. Президентимиз уларнинг қўшимча таклифлари ва фикрларини тинглади.

– Ўзининг машаққатли меҳнати билан ризқ-рўз яратаётган инсонлар билан суҳбатлашиш, уларнинг таклиф ва фикрларини эшитиш менга ҳамиша алоҳида ҳузур бағишлайди.

Бежиз «Ерни яхши кўрган – Ватанни яхши кўради», дейишмайди. Зеро, умрини, меҳнатини саховатли заминимиз билан боғлаган сиз каби фидойилар – ҳақиқий ватанпарвардир.

Фурсатдан фойдаланиб, Ватанимиз равнақи йўлидаги ҳалол меҳнатингиз, эришган юксак натижаларингиз учун бутун халқимиз номидан яна бир бор чуқур миннатдорчилик билдираман, – деди давлатимиз раҳбари учрашув якунида.

ЎзА