Осиё футбол конфедерацияси 2024/2025 йилги Осиё элит Чемпионлар лигасининг навбатдаги ўйинлар ўтадиган манзиллар ва техник жиҳатлари борасидаги айрим маълумотларни эълон қилди.
Унга кўра, ғарб гуруҳидаги элит Чемпионлар лигасининг 5-туридан ўрин олган Эроннинг “Истиқлол“ ва мамлакатимизнинг “Пахтакор“ жамоаси ўртасидаги учрашув Дубайда бўлиб ўтиши маълум қилинди.
ОФК Эрондаги сиёсий вазият сабабли беллашув БААда ўтказилишини тасдиқлади.
25 ноябрь, душанба куни Дубай шаҳрида жойлашган “Рашид“ стадионида “Шерлар“ айни пайтда Жалолиддин Машарипов тўп тепаётган “Истиқлол“ билан тўқнаш келади.
Т.Рўзиев, ЎзA