Профессионал боксчимиз Бектемир Мелиқўзиев АҚШда навбатдаги жангини ўтказди.
Калифорния штатида «Golden Boy» компанияси томонидан ташкил этилган профессионал бокс мусобақасида ҳамюртимиз америкалик Улисес Сьеррага қарши рингга кўтарилди.
10 раундга мўлжаллаган учрашув 3-раундда ўз якунига етди. Бектемир шиддатли ҳаракати, айниқса, чап қўлида берган кучли зарбаси билан раунднинг сўнгги дақиқаларида рақибини нокаутга учратди.
Ушбу ғалабаси туфайли Бектемир Мелиқўзиев WBO Global камарини қўлга киритди.
Шу тариқа Бектемирнинг профессионал боксдаги ғалабалари сони 11 тага етди. 9 та жангда у рақибларини нокаут эвазига мағлуб этган.
Т. РЎЗИЕВ, ЎзА