“Депутат маҳаллада – муаммолар ечими сари” лойиҳаси доирасида ташкил этилган учрашувда туман сув тармоқлари бўлими, электр тармоқларидан вакиллар, маҳалла фаоллари иштирок этди.

Учрашувда халқ вакили давлатимиз раҳбарининг ташаббуси билан мамлакатимизда, шу жумладан Оролбӯйида амалга оширилаётган ислоҳотлар, депутат сифатида шу кунга қадар олиб борган ишлари ва Қорақалпоғистон Республикаси Жўқорғи Кенгеси томонидан қабул қилинган қонунлар ва норматив-ҳуқуқий ҳужжатларнинг аҳамияти бўйича батафсил маълумотлар берди.

Бундан ташқари сайловчиларнинг муаммо, таклиф ва фикрлари ҳам тингланди. Аҳолини қийнаб келаётган муаммолар асосан ичимлик суви ва бандлик масаласи эканлиги аниқланди. Аксарияти шу ернинг ўзида тегишли тартибда бартараф қилинган бўлса, айримларига ҳуқуқий маслаҳат ва тавсиялар берилди.

Вақт талаб этадиган ўз ечимини кутиб турган айрим мурожаатлар тегишли ташкилотларга депутатлик сўровномалар юбориш орқали назоратга олишга келишиб олинди.

Довуд Абибуллаев, ЎзА