Ўзбекистон Республикаси Бош вазири Абдулла Арипов 18 февраль куни Самарқанд шаҳрида бир гуруҳ вилоят тадбиркорлари билан сайёр учрашув ўтказди.

Самарқанд вилояти ҳокимлиги ахборот хизматининг хабар беришича, учрашувда кредит маблағларини олиш, электр энергия ва газ таъминоти, экспорт ва импортда юзага келаётган айрим муаммолар, эркин иқтисодий зоналарда коммуникация тизимларини такомиллаштириш сингари 45 дан ортиқ мурожаатлар қабул қилинди. Тадбиркорлар томонидан кўтарилган масалаларнинг аксарияти жойида ҳал этилди.

Тегишли вазирлик ва идоралар раҳбарларига масалаларни ҳал этиш буйича аниқ топшириқлар берилди.

ЎзА