AҚШ Конгрессининг уч нафар депутати коронавирусга тест топширганда натижалар ижобий чиққан.
Бунга ўтган ҳафта Капитолийга ҳужум пайтида улар кўпчилик ҳамкасблари билан соатлаб битта хонада қолиб кетгани сабаб бўлган.
Вакиллар палатасидаги демократлар ўз сафдошларининг вирус юқтириб олганини мамлакат учун оғир синов дейишмоқда.
Кадрлар шуни кўрсатадики, баъзи республикачилар ғалаён пайтида тиббий ниқоб тақмаган. “Punchbowl News” нашрининг маълумотига кўра, деярли барча республикачилар уларга таклиф қилинган ниқобларни рад этган.
Шунингдек, камерага тушиб қолган демократ Прамила Жаяпал хонимнинг ўзи ҳам ниқоб тақмагани ошкор бўлди.
Тиббиёт вакиллари қонун чиқарувчилар касалликка чалинаётганидан хавотирда, бу AҚШда коронавирус юқтириш ва ўлим ҳолатлари тобора ортиб бораётган бир пайтда жиддий ташвиш уйғотмоқда.
Дарвоқе, АҚШ коронавирус инфекциясини юқтириб олганлар сони бўйича дунёда энг юқори кўрсаткични қайд этди. Айни пайтда мамлакатда COVID-19 га чалинганлар 22,6 миллион кишидан ортди, 367 минг одам вафот этган.