Элликқалъа тумани “Гулдурсин” ОФЙ худудида йирик лимончилик иссиқхонаси ташкил қилинди.
Лойиҳа қиймати 1 млн 275 минг АҚШ долларини ташкил қиладиган ушбу иссиқхонага эрта баҳорда Қўқондан 2500 туп лимон кўчатлари олиб келиб экилди.
Ҳозирги вақтда лимон кўчатлари иссиқхонанинг 2-гектар ер майдонига экилиб парваришланаётган бўлса, қолган қисми тез кунларда яна кўчат экиш учун тайёрланмоқда.
Иссиқхона ишга тушиши билан 85 нафар ишчи ходим иш билан таъминланади. Келгусида йилига ўртача 468 160 АҚШ доллари пул тушуми кутилмоқда.
Е.Қаноатов, ЎзА