Божхона бошқармаси юк ташувчи тиркамалар (тягач) ва ярим тиркамалар импорти учун имтиёзлар жорий этилди, деб хабар бермоқда.

Хусусан, 2027 йилнинг 31 декабрига қадар юк ташиш учун мўлжалланган айрим автотранспорт воситаларини Ўзбекистонга импорт қилишда божхона божи ва утилизация йиғими бўйича 0 ставка қўлланилади.

Имтиёзлар қуйидаги транспорт воситаларига татбиқ этилади:

• Ишлаб чиқарилганига 5 йилдан ошмаган бензин, дизель ва электрда ҳаракатланадиган;
• «EVRO-5» ва ундан юқори экологик талабларга жавоб берадиган тиркамалар (ТИФ ТН 8701 21, 8701 22, 8701 23, 8701 24);
• Шунингдек, ярим тиркамалар; Тўлиқ оғирлиги 15 тоннадан ортиқ бўлган ёки юкхонасининг ҳажми камида 76 м³ бўлган ҳолатда (ТИФ ТН 8716 39).

Агар ушбу транспорт воситалари импорт қилинган санадан бошлаб 3 йил ичида реэкспорт қилинса, берилган имтиёзлар бекор қилинади ва тегишли тўловлар ундирилади.

Қорақалпоғистон ахборот агентлиги