Айни кунларда Ҳиндистоннинг Нью-Деҳли шаҳрида қиличбозлик бўйича катталар ўртасида Осиё чемпионати бўлиб ўтмоқда.

Чемпионатда қитъамизнинг барча кучли давлатлари спортчилари сингари, Ўзбекистон терма жамоаси аъзолари ҳам ғолиблик учун кураш олиб бормоқда.

Кеча сабля бўйича ўтказилган умумжамоа беллашувида қизларимиз Зайнаб Дайибекова, Гулистан Пердебаева, Аякоз Жумамуратова ва Эррера Лара Фернандадан иборат терма жамоамиз Жанубий Корея ва Япониядан сўнг учинчи ўринни эгаллашга муваффақ бўлди.

Жамоамизнинг қўлга киритган бу ғалабаси спортчиларимизнинг мамлакатимиз мустақиллигининг 35 йиллигига совға бўлди десак бўлади.

Осиё чемпионатида беллашувлар ҳали давом этмоқда.

Адилбай Оразов,

Қорақалпоғистон ахборот агентлиги шарҳловчиси