Мамлакатимиз Президенти топшириғи билан пайшанба ёшлар куни деб белгиланиб, шу асосда жойларда раҳбар ва ёшлар учрашувлари ўтказиб келинмоқда.

Шундай навбатдаги учрашув Кегейли туманида ўтказилди. Унда Қорақалпоғистон Республикаси Жўқорғи Кенгесининг Раиси Аманбай Оринбаев бир қатор ишсиз ва оталиққа олинган, шунингдек, оғир тоифадаги ва фаол ёшлар билан учрашди.

Дастлаб ёшлар учун бўш иш ўринлари меҳнат ярмаркаси ташкил этилиб, ёшлар ташаббусларини қўллаб-қувватлаш борасида яратилган шароитлар ва берилган имкониятлар юзасидан тақдимот намойиш этилди.

Таъкидлаш жоизки, туман ёшлари билан яқинда Жўқорғи Кенгес Раиси учрашиб, уларнинг ташаббусларини қўллаб-қувватлаш ва яқиндан ёрдам бериш бўйича масъулларга топшириқлар берган эди. Шу асосда 50 нафар ёшнинг уй шароитида ишлаб чиқариш ва тадбиркорлик билан шуғулланиши учун махсус ускуналар олиб келиш чоралари кўрилмоқда. Бундан ташқари, бандлик, ижтимоий қўллаб-қувватлаш ва бошқа ҳаётий масалалар ҳал этилиши кўзда тутилган.

Ушбу ўтказилган учрашувда ҳам ёшларнинг фикр-таклифлари тингланиб, муаммоларнинг жойида ечимини топиш чоралари кўрилди ва уларнинг ташаббусларини қўллаб-қувватлаш бўйича мутасаддиларга аниқ топшириқлар берилди.

Манба: Қорақалпоғистон Республикаси Жўқорғи Кенгесининг Ахборот хизмати

 Қорақалпоғистон ахборот агентлиги