Қарорга мувофиқ:

– Жазони ижро этиш муассасаларида жазо ўтаётган 18-30 ёшдаги маҳкумларни замонавий рақамли касбларга ўқитиш ва озодликка чиққандан сўнг уларнинг бандлигини таъминлаш тизими йўлга қўйилади.

– Маҳкум ёшларни АТ соҳасига йўналтириш мақсадида муассасаларда «Unicon-Soft» МЧЖ томонидан махсус ўқув курслари ташкил этилади ва замонавий компьютер синфлари барпо этилади.

– Ўқув курсларини муваффақиятли тамомлаган ёшларга тегишли сертификатлар берилади ҳамда уларга озодликка чиққандан сўнг масофавий ишлаш (фриланс) ёки соҳа бўйича ишга жойлашишда кўмаклашилади.

– Жазони ижро этиш муассасаларидан озод этилган ёлғиз ёшларнинг ижтимоий муаммолари, жумладан, уй-жойга бўлган эҳтиёжлари ўрганилиб, уларни вақтинчалик турар жой билан таъминлаш бўйича таклифлар ишлаб чиқилади.