Трамп маъмуриятининг юқори мартабали амалдорлари АҚШ урушнинг биринчи кунида Эрондаги қизлар бошланғич мактабига ҳаво ҳужуми уюштирганини ҳали ҳам тергов қилаётганини маълум қилди.

The New York Times газетасининг ёзишича, бу ҳужум АҚШ-Исроилнинг Эронга қарши кампаниясидаги энг хавфли воқеалардан бири бўлган, камида 175 киши ҳалок бўлган, уларнинг аксарияти болалар.

Чоршанба куни бўлиб ўтган брифингда Оқ уй матбуот котиби Каролин Ливитдан АҚШ мактабга ҳаво ҳужуми уюштирдими, деган саволга жавоб олинди.

– Билишимизча, йўқ. Мудофаа вазирлиги ушбу воқеани тергов қилмоқда. АҚШ фуқаролик объектларига ҳужум қилмайди, жиноятчи Эрон режими эса фуқаролик объектларига ҳужум қилади, болаларни ўлдиради ва сўнгги бир неча ҳафта ичида минглаб ўз фуқароларини ўлдирди, – деб жавоб берди Ливитт.

Қорақалпоғистон ахборот агентлиги