Ózbekstan Respublikası Prezidentiniń qararı

Elimizde ámelge asırılıp atırǵan reformalarda ayrıqsha belsendilik kórsetip, óziniń bilim hám qábileti, umtılıwshańlıǵı, intakerligi hám nátiyjeli miyneti menen Watanımızdıń rawajlanıwın joqarılatıw, Jańa Ózbekstannıń xalıqaralıq kólemdegi abırayın jáne de arttırıwǵa úlken úles qosıp kiyatırǵan, joqarı mánawiyatlı, erkin pikirleytuǵın, qatań turmıslıq poziciyaǵa, keń dúnyaqaras hám joqarı potencialǵa iye, xalıq mápi hám jurt keleshegi ushın juwapkershilikti óz moynına alıwǵa uqıplı bolǵan pidayı hám márt ullarımızdı múnásip xoshametlew maqsetinde:
1. Ózbekstan Respublikası Prezidenti janındaǵı Mámleketlik sıylıqlar hám geraldika boyınsha komissiyanıń Qaraqalpaqstan Respublikası, wálayatlar hám Tashkent qalasınıń qábiletli jigitlerin ilim, bilimlendiriw, medicina, mádeniyat, kórkem óner, sport, óndiris, áskeriy xızmet tarawları hám huqıq qorǵaw uyımlarındaǵı jumısında erisken ayrıqsha jetiskenlikleri ushın “Mard wǵlon” mámleketlik sıylıǵı menen sıylıqlaw haqqındaǵı usınısları qosımshaǵadaǵı dizimge muwapıq maqullansın.
2. “Mard wǵlon” mámleketlik sıylıǵı menen sıylıqlanǵanlarǵa sıylıqlanǵanlıq diplomları hám kókirek belgileri saltanatlı jaǵdayda tapsırılsın.
3. Ózbekistan Respublikası Ekonomika hám qarjı ministrligi “Mard wǵlon” mámleketlik sıylıǵınıń laureatlarınıń hár birine bazalıq esaplaw muǵdarınıń 50 esesi muǵdarında aqshalay sıylıq beriliwin támiyinlesin.
4. Ózbekstan Milliy málimleme agentligi, Ózbekstan Milliy teleradiokompaniyası hám basqa da ǵalaba xabar qurallarına “Mard wǵlon” mámleketlik sıylıǵı iyeleriniń ibratlı jumısı, olardıń biybaha talantı hám erisken jetiskenliklerin keńnen sáwlelendirip barıw usınıs etilsin.
5. Usı qarardıń orınlanıwın qadaǵalaw Ózbekstan Respublikasınıń Bas ministri A.N.Aripovqa hám Ózbekstan Respublikası Prezidentiniń keńesgóyi Ǵ.Ǵ.Mirzaevqa júklensin.
Ózbekstan Respublikası Prezidenti
Sh.Mirziyoev.
***
“Mard wǵlon” mámleketlik sıylıǵı menen sıylıqlanǵanlardıń
DIZIMI
Qaraqalpaqstan Respublikası boyınsha
Allashov Raxim Tolıbay ulı – Ózbekstan Respublikası Qorǵanıw ministrliginiń áskeriy bólim toparı qánigesi
Alimbaev Nodirbek Turǵun ulı – Tórtkúl rayonındaǵı “Ullıbaǵ” awıl puqaralar jıyınınıń jaslar jetekshisi