Ózbekstan Ekologiyalıq partiyası baǵdarlamasında belgilengen wazıypalar hám “Jasıl mákan” ulıwma milliy joybarınıń orınlanıwın támiyinlew jáne bul baǵdarda jámiyetlik qadaǵalawdı kúsheytiw maqsetinde Qońırat rayonında gezektegi monitoring jumısları alıp barıldı.
Usı monitoring jumısları sheńberinde Qońırat rayonı Keńesiniń baslıǵı hám tiyisli qánigeler tárepinen “Bárkamal áwlad balalar mektebi” aymaǵında egilgen terek nálleriniń jaǵdayı úyrenildi.
Úyreniw procesinde bul aymaqqa 2025-jıldıń gúzgi máwsiminde jámi 300 túp terek náli egilgeni anıqlandı. Sonnan 100 túp tut, 50 túp qayraǵash, 150 túp miyweli hám basqa túrdegi terek nálleri egilgen.
Monitoring dawamında nállerdiń jaǵdayı, olardı tárbiyalaw hám suwǵarıw jumısları da kózden ótkerildi. Úyreniw nátiyjelerine bola, nállerdiń kópshiligi jaqsı jaǵdayda ekeni atap ótildi.

Qaraqalpaqstan xabar agentligi