24-dekabr kúni bolıp ótken telefon arqalı sóylesiwde Ózbekstan Respublikası Prezidenti Shavkat Mirziyoev Ázerbayjan Respublikası Prezidenti Ilham Alievti tuwılǵan kúni menen qızǵın qutlıqladı.

Mámleketimiz basshısı Ázerbayjan jetekshisiniń mámleket ǵárezsizligin bekkemlew, onı birlestiriw, turaqlı rawajlanıwın támiyinlew hám xalıqaralıq abırayın arttırıwdaǵı tariyxıy rolin ayrıqsha atap ótti.
Joqarı dárejede erisilgen kelisimlerdi ámelge asırıw sheńberinde Ózbekstan – Ázerbayjan doslıq hám awqamlaslıq qatnasıqların bunnan bılay da keńeytiw hám bekkemlewdiń áhmiyetli máseleleri dodalandı.
Bıyılǵı Ekonomikalıq kooperaciya jılında birgelikte ámelge asırılǵan jumıslardıń nátiyjeli bolǵanı qanaatlanıwshılıq penen atap ótildi.
Barlıq dárejede nátiyjeli sóylesiwler hám almasıwlar dawam etpekte. Óz-ara tovar almasıw jedel pátlerde ósip barmaqta, “jol kartası” tiykarındaǵı 20 tiykarǵı baǵdardaǵı joybarlar jedel basqıshqa kirgen.
Ilajlarǵa bay mádeniy-gumanitarlıq almasıwlar baǵdarlaması ámelge asırılmaqta.
Ózbekstan hám Ázerbayjan basshıları xalıqaralıq kún tártibindegi máseleler boyınsha da pikir alıstı, keleshektegi ilajlar rejesin kórip shıqtı.

ÓzA