Húkimettiń usı jıl 13-noyabrdegi 720-sanlı qararı menen “Azıq-awqat hám awıl xojalıǵı ónimlerine sanitariyalıq-epidemiologiyalıq juwmaq beriw boyınsha mámleketlik xızmetti kórsetiw”diń hákimshilik reglamenti tastıyıqlandı.

Reglamentke bola, sanitariyalıq -epidemiologiyalıq juwmaq 3 jıl múddetke beriledi.
Bul juwmaq shetten alıp kelinip atırǵan ónimge ónimniń jaramlılıq dáwirine, jaramlılıq múddetine iye bolmaǵan ónimge bolsa -múddeti kórsetilmesten beriledi.
Sanitariyalıq – epidemiologiyalıq juwmaq tómendegi jaǵdaylarda alınıwı kerek:
– jańa ónimler islep shıǵarıw jolǵa qoyılǵanda;
– islep shigarılıp atırgan ónim quramı ózgergende;
ónimlerdi islep shıǵarıw texnologiyalıq procesiniń konstrukciyaları, toplamları ózgergende;
– tájiriybe ushın islep shıǵarılǵan ónimlerge;
– respublika aymaǵına alıp kiriletuǵın azıq-awqat hám awıl xojalıǵı ónimlerine;
ónim islep shıǵarıw ushın berilgen sanitariyalıq – epidemiologiyalıq juwmaqtıń ámel etiw múddeti tamam bolǵanda.
Arza beriwshi mámleketlik xızmetten Mámleketlik xızmetler orayına kelip yamasa elektron tárizde BIMXP (my.gov.uz) arqalı paydalanıwı múmkin.
Sanitariya -epidemiologiyalıq tınıshlıq hám jámiyet salamatlıǵı komiteti juwmaqtı QR-kod arqalı tastıyıqlaydı hám 1 jumıs kúninde arza beriwshiniń jeke kabinetine jiberedi,-dep málimleme beredi xabar.uz saytı.

Qaraqalpaqstan xabar agentligi