Huqıqıy qatnas

“Kámbaǵal shańaraqlar reestri”ne kirgizilgen shańaraqlardıń perzentlerin qabıl etken shańaraqlıq mámleketlik emes mektepke shekemgi bilimlendiriw shólkemlerine usı balalar támiynatı ushın ata-analar tóleminiń bir bólegin Mámleketlik byudjetten qaplap beriw tártibi haqqında”ǵı reje Ádillik ministrliginde mámleketlik dizimnen ótkerildi.

Rejede kórsetilgen imkaniyatlar haqqında Tashkent mámleketlik yuridikalıq universiteti Yuridikalıq klinikasınıń xızmetkeri Imomali Tuev tómendegilerdi málim etti:

– Bul reje shańaraqlıq mámleketlik emes mektepke shekemgi bilimlendiriw shólkemlerinde tárbiyalanıp atırǵan “Kámbaǵal shańaraqlar reestri”ne kirgizilgen shańaraqlardıń perzentleri ushın ata-analar tóleminiń bir bólegin Mámleketlik byudjetten qaplap beriw tártibin belgileydi.

Ata-analar tóleminiń bir bólegi Mámleketlik byudjetten qaplap beriletuǵın ayırım kategoriyadaǵı shańaraqlardıń perzentleri dizimi málimleme sisteması arqalı avtomat túrde qáliplestiriledi.

Ayırım kategoriyadaǵı shańaraqlardıń ata-analar tólemin qaplaw ushın shańaraqlıq MShBǵa kompensaciya tiyisli aymaqta 9 saatlıq jumıs rejimindegi ulıwma túrdegi mámleketlik mektepke shekemgi bilimlendiriw shólkemleri ushın belgilengen ata-analar tóleminiń 40 procenti muǵdarında ajıratıladı.

Kompensaciya shańaraqlıq MShBǵa haqıyqatında da qatnap atırǵan ayırım kategoriyadaǵı shańaraqlardıń perzentleri sanınan kelip shıǵıp, biraq Mektepke shekemgi hám mektep bilimlendiriwi ministrligi menen shańaraqlıq MShB arasında dúzilgen kelisimde belgilengen orınlardıń 15 procentinen kóp bolmaǵan bólegine ajıratıladı.

Tiykar: “Kámbaǵal shańaraqlar reestri”ne kirgizilgen shańaraqlardıń perzentlerin qabıl etken shańaraqlıq mámleketlik emes mektepke shekemgi bilimlendiriw shólkemlerine usı balalardıń támiynatı ushın ata-analar tóleminiń bir bólegin Mámleketlik byudjetten qaplap beriw tártibi haqqında”ǵı reje. (Reestr nomeri: 3693-san, 23.10.2025-j.)

Gulnoza Boboeva,

ÓzA