11-noyabr – Ózbekstan kásiplik awqamları kúni hám Ózbekstan kásiplik awqamları háreketiniń 120 jıllıǵı múnásibeti menen Qaraqalpaqstan nasos stanciyaları hám energetika basqarması xızmetkerleri arasında sporttıń kishi futbol túri boyınsha jarıs ótkerildi.

«Kásiplik awqamları salamat turmıs tárepdarı!» súreni astında ótkerilgen jarısta Qaraqalpaqstan nasos stanciyaları hám energetika basqarmasınıń apparat xızmetkerleri hám aymaqlardaǵı bólimlerden jámi 8 komanda qatnastı.
Mawasasız hám qızǵın bellesiwlerdiń nátiyjelerine bola «Mańǵıt-Nazarxan» bóliminiń komandası birinshi, «Nókis-Kegeyli» bóliminiń komandası ekinshi hám «Xojeli-Taqıyatas» bóliminiń komandası úshinshi orındı iyeledi.
Jarıs sońında jeńimpazlarǵa hám ilajǵa belsene qatnasqanlarǵa Qaraqalpaqstan nasos stanciyaları hám energetika basqarması kásiplik awqamınıń estelik sawǵaları tapsırıldı.

Qaraqalpaqstan xabar agentligi