Huqıqıy qatnas

Studentler tólemli-kontrakt alıw maqsetinde kontrakt.edu.uz saytı arqalı onlayn arza berip atırǵanda “Shártnama túrin tańlaw” degen bántke dus keledi. Bul bólimde studentler eki yamasa úsh tárepleme shártnamanı tańlawı soralmaqta.
Studentler bul boyınsha qaysı shártnamanı tańlawı kerek boladı?
Tashkent mámleketlik yuridikalıq universiteti Yuridikalıq klinika metodisti Aygerim Aripbaeva bul haqqında tómendegilerdi málim etti.
-Saytta jaylastırılǵan eki tárepleme shártnama – bul joqarı bilimlendiriw mákemesi (JOO) hám student arasında dúziletuǵın shártnama bolıp esaplanadı.
Eger student kontrakt tólemin óziniń jeke qarjısınan ámelge asırsa, bul túrdegi shártnamanı tańlaw kerek boladı. Sonday-aq, bankten tálim krediti almaqshı bolsa yamasa ata-anasınıń aylıq miynet haqısınan tólem ámelge asırılsa bul shártnama tańlanadı.
Úsh tárepleme shártnama bolsa bul JOO, student hám jáne qanday da bir qáwender shólkem arasında dúziledi. Bul túrdegi shártnama qáwender shólkem, sonıń ishinde, kárxana yamasa fond studenttiń kontrakt tólemin qaplap atırǵan bolsa, sonday-aq, keyin ala sol shólkemge islew shárti bolsa úsh tárepleme shártnama tańlanadı. Qáwender shólkemniń STIN nomerleri kirgiziliwi talap etiledi.
Shártnama túrin durıs tańlaw, arza beriw procesin tezlestiriw hám keleshektegi finanslıq minnetlemelerdi anıq belgilew ushın áhmiyetli.

Gulnoza Boboeva, ÓzA