Kamerun oppoziciyası jetekshisi Issa CHiroma Bakari jaqında mámlekette bolıp ótken prezidentlik saylawda jeńiske eriskenin atap ótip, ámeldegi húkimet nátiyjelerin jalǵan dep atadı. Bul haqqında “BBC” basılımı jazıp shıqtı.

Bakaridiń sózlerine bola, onıń komandası barlıq saylaw uchastkalarınan alınǵan nátiyjelerdi jıynap, salıstırǵanda óziniń jeńiske eriskenine tolıq isenim payda etken.
76 jastaǵı Issa CHiroma Bakari burınǵı ministr bolıp, 43 jıldan berli hákimiyatta bolǵan 92 jastaǵı prezident Pol Biyaga qarsı siyasatshı esaplanadı.
Húkimdar partiya wákilleri oppoziciya jetekshisiniń jeńiske dawagerligin biykarlap, onı nızamlı tiykarǵa iye emes, dep bahaladı. Atap ótiliwinshe, rásmiy nátiyjeni tek ǵana Konstituciyalıq keńes járiyalawı múmkin.
Elde saylaw nátiyjeleri keshiktirilip járiyalanıwı artınan keskinlik barǵan sayın kúsheymekte.

D.Hakimov, ÓzA