Prezident janındaǵı Basqarıw nátiyjeliligi agentligi Yaponiya xalıqaralıq birge islesiw orayı (JICE) menen birgelikte JDS – “Kadrlar tayarlaw ushın stipendiya usınıw” joybarı sheńberinde dógerek sáwbetin shólkemlestirdi.

Ministrlik hám uyımlardıń insan resursları hám xalıqaralıq baylanıslar bólimleriniń wákilleri qatnasqan ilajda JDS joybarı arqalı mámleketlik strukturalarda kadrlar potencialın bekkemlew, birge islesiw nátiyjeliligin arttırıw hám tańlaw processleriniń ashıq-aydınlıǵın támiyinlew máseleleri dodalandı.
Dógerek sáwbeti qatnasıwshıları joybar pitkeriwshileri menen tájiriybe almastı. Sonday-aq, JDS pitkeriwshilerin kadrlar potencialın rawajlandırıw procesine jedel tartıw boyınsha usınıslar bildirildi.
Maǵlıwmat ushın aytıp ótiw kerek, JDS (The Project for Human Resource Development Scholarship) joybarı Yaponiya húkimetiniń járdeminde ámelge asırılıp, házirgi waqıtqa shekem 450 ge shamalas ózbekstanlı qánige usı mámlekettiń jetekshi universitetlerinde bilim alǵan.

N.Abduraimova, ÓzA