Endi jaslar shet tillerin «2+6» baǵdarlaması arqalı subsidiya tiykarında úyreniwi múmkin. Onda 14-30 jaslı jigit-qızalrǵa inglis, nemis, francuz, yapon, koreys, qıtay tillerin úyreniwi ushın subsidiya ajıratıladı.

– Baǵdarlamaǵa bola, birinshi 2 ay tólem oqıwshı tárepinen ámelge asırıladı, keyingi 6 ay ushın tólemler qatnasqa sáykes túrde mámleket tárepinen qaplap beriledi.
– Subsidiya muǵdarı (ayına maksimal) Tashkent qalasında 824 mıń sum (BEM × 2)ǵa shekem, Qaraqalpaqstan Respublikası hám wálayat oraylarında 618 mıń sum (BEM × 1,5)ǵa shekem, rayon hám qalalarda 412 mıń sum (BEM × 1)ǵa shekem qaplap beriledi.
– Tiykarǵı shártleri: arza beriwshi minimal kórsetkishke sáykes milliy yamasa xalıqaralıq sertifikatqa iye bolıwı kerek. Arza beriwshi tek ǵana bir til boyınsha subsidiya ala aladı.
– Baǵdarlama sheńberinde hár jılı 20 mıńǵa shekem, 2025-2030-jıllar dawamında 100 mıńǵa shekem jaslarǵa subsidiya ajıratıladı.

Qaraqalpaqstan xabar agentligi