Ózbekstan Respublikası Prezidenti Shavkat Mirziyoev 9-oktyabr kúni xızmet saparı menen Tájikstan Respublikasına keldi.

Dushanbe xalıqaralıq aeroportında mámleketimiz basshısın Tájikstan Respublikası Bas ministri Qohir Rasulzoda hám basqa da rásmiy shaxslar kútip aldı.
Sapardıń baǵdarlamasına muwapıq, Ózbekstan jetekshisi “Oraylıq Aziya – Rossiya” formatındaǵı ekinshi sammitke hám Ǵárezsiz Mámleketlerdiń Doslıq Awqamı Mámleket basshıları keńesiniń gezektegi májilisine qatnasadı.