Qaraqalpaqstan Respublikası Ishki isler ministrligi xızmetkerleri respublikamız aymaǵında «Áhmiyetli 20 kúnlik» operativ profilaktikalıq ilajların ótkerip kelmekte.

Usınday ilaj dawamında Xojeli rayonında jasawshı puqara óz úyinde nızamsız túrde ań quralın saqlap kiyatırǵanı anıqlandı.
Rayonnıń «Sarıshúńgil» awıl puqaralar jıyınında jasawshı puqara F.J.nıń turaq jayınıń arqa tárepindegi qoymaxanasınan tabılǵan linoleumǵa oralǵan, saqlaw ushın tiyisli ruqsatnaması bolmaǵan, bir dana 16 kalibrli oqatar ań quralı qalıslar qatnasıwında dálalatnama dúzilip, ishki isler bólimine alıp kelindi.
Bul jaǵday boyınsha tergewge shekemgi tekseriw háreketleri alıp barılmaqta.

Qaraqalpaqstan xabar agentligi