Nókis rayonı “Diyqan arna” mákan puqaralar jıyını aymaǵında gúl jetistiriw hám ıssıxana xojalıǵın rawajlandırıwǵa qaratılǵan kórgizbeli seminar shólkemlestirildi. Ilajǵa Nókis rayonı hákimi Z.Zaytov hám rayon aymaǵındaǵı mákeme, kárxana belsendileri qatnastı.

Seminardıń maqseti – gúl jetistiriw hám ıssıxana xojalıǵı tarawların rawajlandırıw arqalı mákeme, kárxana hám kóshelerdi abat etiw, sonday-aq, ekologiyalıq turaqlılıqtı támiyinlewden ibarat. Ilajda ıssıxana qurılısı, gúller hám nállerdi tárbiyalaw boyınsha ámeliy kórgizbeler hám sheberlik sabaqları shólkemlestirildi.
Seminarda qatnasıwshılarǵa jańa texnologiyalar hám innovaciyalıq usıllar tiykarında ıssıxanalardı shólkemlestiriw, olardı nátiyjeli basqarıw boyınsha ámeliy usınıslar berildi.
Rayon hákimligi hám taraw juwapkerleri aymaqlarda isbilermenlik ortalıǵın jaratıwǵa ayrıqsha itibar qaratpaqta.

Qaraqalpaqstan xabar agentligi