Shańaraq hám hayal-qızlar komitetinde hayal-qızlar hám er adamlar ushın teńdey huqıq jáne imkaniyatlardı támiyinlewge qaratılǵan másláhát keńesleriniń gezektegi májilisi ótkerildi.

Májiliste Másláhát keńesleriniń jumısın jetilistiriw, hár qıylı taraw hám baǵdarlarda ámelge asırılıp atırǵan jumıslar jáne reformalardı keń jámiyetshilik hám xalıqaralıq jámiyetshilikke jetkeriw máseleleri dodalandı. Sonday-aq, Ekologiya ministrligi sistemasındaǵı hayal-qızlar hám er adamlar ushın islenip atırǵan jumıslar haqqında maǵlıwmat berildi hám jańa usınıslar bildirildi.
Ózbekstanda hayal-qızlardıń huqıqları menen nızamlı máplerin qorǵaw, olardı jámiyetlik-siyasiy, ekonomikalıq hám mádeniy turmısqa jedel tartıw baǵdarında keń kólemli reformalar ámelge asırılıp atırǵanın atap ótiw kerek. Bul baǵdarda “Ózbekstan modeli” qáliplestirilip, turmısqa engizilmekte. Atap aytqanda, “Ózbekstan – 2030” strategiyası, sonday-aq, 2030-jılǵa shekem gender teńlikke erisiw strategiyası hám barlıq tarawlarda hayal-qızlardıń belsendiligin arttırıwǵa qaratılǵan Milliy baǵdarlama hayal-qızlardıń bilim alıw hám jumıs penen támiyinlew imkaniyatların keńeytiwge xızmet etpekte.
Óz gezeginde mámleketlik uyımlar hám shólkemler menen birgelikte hayal-qızlar hám er adamlar ushın teń huqıq jáne imkaniyatlardı támiyinlew máseleleri boyınsha másláhát keńeslerin shólkemlestiriw baǵdarında keń kólemli jumıslar ámelge asırıldı. Nátiyjede búgingi kúnde ministrlikler hám uyımlar, shólkemler, kárxana hám mákemelerde 4000 nan aslam másláhát keńesleri shólkemlestirildi. Atap aytqanda, Ekologiya ministrligi, ministrliktiń sistemalı shólkemleri hám aymaqlıq bólimlerinde de másláhát keńesleri jumıs alıp barmaqta.
Maǵlıwmat ushın, BMShtıń “Hayal-qızlar – BMSh” strukturasınıń elimizdegi wákilxanası tárepinen “Ózbekstannıń gender teńlik boyınsha mámleketlik profili” joybarınıń dáslepki dodalawı ótkerildi. Onda hayal-qızlardıń ekologiya, qorshaǵan ortalıq hám ıqlım ózgeriske qatnası haqqında ayrıqsha toqap ótilgen.

ÓzA