Prezident Shavkat Mirziyoev “Jańa Ózbekstan” parkine barıp, Ǵárezsizlik monumentine gúl qoydı.

Elimizdiń áyyemgi tariyxınan házirgi kúnge shekemgi eń áhmiyetli waqıyalar, ullı oyshıl hám jawınger ata-babalarımızdıń tulǵaları sáwlelengen bul kompleks Ǵárezsizlik tımsalına aylanǵan. Onıń eń joqarǵı bólegindegi Humo qusı mámleketimiz gerbi, xalqımızdıń jaqsı qádiriyatların sáwlelendiredi.
Mámleketimiz basshısı bul monument ana Watanımız, márt hám batır, tınıshlıqtı súyiwshi hám miynetkesh, qaharman xalqımızdıń húrmetine qurılǵan ullı estelik ekenin atap ótken edi.
Ǵárezsizlik monumentine gúl qoyıw máresiminde Oliy Majlis Nızamshılıq palatası hám Senatı, Prezident Administraciyası, Ministrler Kabineti, Tashkent qalası jámiyetshiliginiń wákilleri de qatnastı.

ÓzA