Házirgi kúnde elimizde xalıqtıń turmıs dárejesin jaqsılaw, isbilermenlikti rawajlandırıw hám kámbaǵallıqtı qısqartıwǵa qaratılǵan keń kólemli hám izbe-iz jumıslar alıp barılmaqta.

Prezidentimizdiń 2024-jıl 25-noyabrdegi PQ-405-sanlı qararı “Kámbaǵallıqtan abadanlıqqa qaray” baǵdarlamasın ámelge asırıwda nuranıylardı jedel tartıw ilajları haqqında”ǵı jáne Ministrler Kabinetiniń 2024-jıl 27-dekabrdegi 892-sanlı qararınıń orınlanıwı sheńberinde jergilikli dárejedegi ámeliy jumıslar úlken áhmiyetke iye bolmaqta.

Ellikqala rayonı hákimi V.Niyazimbetovtıń basshılıǵında, rayonlıq “Nuraniy” qorınıń baslıǵı I.Xodjaniyazov hám juwapker xızmetkerlerdiń qatnasıwında rayondaǵı belsendi nuranıylarǵa biriktirilgen kámbaǵal shańaraqtıń sociallıq qorǵawǵa mútáj perzentlerine mektep ushın zárúr bolǵan stol hám stullar toplamları tapsırıldı, – dep maǵlıwmat beredi rayon hákimliginiń Málimleme xızmeti bólimi.
Bunday ámeliy járdemler arqalı jaslardıń bilim alıw sharayatları jaqsılanbaqta, sociallıq qollap-quwatlaw sisteması jáne de nátiyjeli jumıs alıp barmaqta. Bul ilajlar mámleketimizde kámbaǵallıqtı qısqartıw hám xalıqtıń abadanlıǵın arttırıwǵa qaratılǵan keń kólemli baǵdarlamalardıń ámeliy úlgisi bolıp xızmet etedi.

Qaraqalpaqstan xabar agentligi