Ózbekstan Respublikası Prezidenti Shavkat Mirziyoev tárepinen “Mámleketlik basqarıw sistemasında effektivlilik, proaktivlik hám nátiyjelilikti arttırıw ilajları haqqında”ǵı Pármanǵa qol qoyıldı.

Usı hújjetke muwapıq, Prezident Administraciyasınıń jańa strukturası tastıyıqlandı. Nátiyjede Administraciya hám onıń quramındaǵı shólkemlerde 284 shtat qısqartıldı, tákirarlanıwshı lawazımlar optimallastırıldı.

Pármanǵa tiykarlanıp, endi Prezident Administraciyası jumısında 5 tiykarǵı baǵdar belgilendi. Bular – bilimlendiriw, biznes, sud-huqıq sisteması, medicina hám suw resursları máseleleri bolıp tabıladı. Bul baǵdarlarda reformalardı nátiyjeli ámelge asırıw maqsetinde Prezident Administraciyası basshısına 5 orınbasar lawazımı engizildi.

Bunnan tısqarı, Prezidenttiń strategiyalıq rawajlanıw, sırtqı siyasat boyınsha jańa keńesgóyi lawazımları kirgizilip, qarjı texnologiyaları, sanlastırıw hám jasalma intellekt, kreativ ekonomika hám turizmdi rawajlandırıw, jámiyetlik qáwipsizlik hám nızam ústinligi, ilajlardı shólkemlestiriw, májilis hám aymaqlarǵa saparlar ushın analitikalıq kontent tayarlaw boyınsha, sonday-aq, kommunikaciya departamentleri shólkemlestirildi.

ÓzA