Mámleketimizde kurerlik, yaǵnıy ónim yamasa tovardı jetkerip beriw xızmeti rawajlanıp barmaqta. Sonlıqtan, bul xızmetti tártipke salıwǵa qaratılǵan hújjet qabıl etildi.

Ádillik ministrligi tárepinen “Elektron kommerciyada kurerlik xızmeti jumısın ámelge asırıw tártibi haqqında”ǵı reje mámleketlik dizimnen ótkerildi.
Reje elektron kommerciyada kurerlik xızmeti jumısın ámelge asırıw tártibin belgileydi.
Oǵan bola, kurer isbilermen hám jetkerip beriw xızmeti operatorları menen miynet shártnaması yamasa puqaralıq-huqıqıy shártnamalar tiykarında tovarlardı jetkerip beriwshi fizikalıq tárep, sonıń ishinde, ózin-ózi bánt etken shaxs bolıp tabıladı.
Jetkerip beriw xızmeti operatorları hám kurerler, shártnamada názerde tutılǵan bolsa, qarıydarlardan tovar yamasa jetkerip beriw xızmetleri ushın tólemlerdi qabıl etiwge haqılı.
Onda, qadaǵalaw-kassa texnikasın májbúriy qollanıw yamasa elektron yamasa qaǵaz túrinde chek (kvitanciya) beriliwi kerek.
Azıq-awqat ónimlerin jetkerip beriwde transport quralları hám termokonteynerlerdiń taza hám saz jaǵdayda bolıwı, turaqlı juwılıwı hám dezinfekciyalanıwına ámel etiw kerek.
Kurerge tovardıń qadaǵın ózbasımshalıq penen ashıw, qarıydarlardıń jeke maǵlıwmatların hám jetkerip berilip atırǵan tovar haqqındaǵı maǵlıwmatlardı úshinshi shaxslarǵa beriwi múmkin emes.

N.Abduraimova, ÓzA