Mámleketimiz basshısı sóziniń aldında búgingi qáweterli hám anıqsızlıqlarǵa tolı sharayatta hár bir mámleket, bárinen burın, eń kóp jumıs orınların jaratatuǵın tarawlardı qorǵaw ilajların kórip atırǵanın atap ótti.

Usı múnásibet penen sırtqı bazardaǵı ózgerisler sharayatında 1 millionǵa shamalas xalıq islep atırǵan toqımashılıq, qurılıs materialları, mebel qurılısın qollap-quwatlaw, ekonomikamızdıń jáne bir “drayveri” bolıwı kútilip atırǵan zergerlik sanaatına jańa pát baǵıshlaw áhmiyetli ekenligi atap ótildi.
Ótken 4 ayda sanaat 6,3 procentke ósip, 290 trillion sumǵa jetti.
“Bul – házirgi qıyın sharayatta óz waqtında kórilgen ilajlardıń nátiyjesi. Biraq 29 rayonda óndiris 4,5 trillion sumǵa azayǵan. Bul kishi sanlar emes.”
– dedi mámleketimiz basshısı.

Qaraqalpaqstan xabar agentligi